Lífið hendir í okkur allskonar áskorunum. Líkaminn er flókið fyrirbæri og hormónakerfið er þar alls ekki undanskilið.
Allt frá kynþroska til breytingaskeiðs hefur hormónaflæðið áhrif á líf okkar og líðan og flestar konur finna vel fyrir ýmsum einkennum því tengdu.
Áhrifin á líðanina verða oft hvað mest þegar breytingaskeiðið bankar uppá og einkennin geta orðið svæsin og óþægileg. Það sleppur engin við breytingaskeiðið en það má ýmislegt gera til að draga úr óþægindum og stuðla að jafnvægi:
Galdurinn við jafnvægið
Hormónakerfið starfar auðvitað ekki í tómarúmi. Margt hefur áhrif á hormónajafnvægi og því ýmislegt hægt að gera til að hafa jákvæð áhrif á það.
Blóðsykursjafnvægi:
reglulegar, vel samsettar máltíðir stuðla að blóðsykursjafnvægi og þegar blóðsykurinn er í jafnvægi er öll önnur líkamsstarfssemi í betra jafnvægi, þar á meðal hormónabúskapurinn. Þetta spilar allt saman.
Prótín með hverri máltíð og hæfilegt magn af gæðafitu alla daga stuðlar meðal annars að blóðsykursjafnvægi.
Best er að borða sem mest af hreinni, óunninni fæðu og sem minnst af viðbættum sykri og „hvítum“, næringarsnauðum kolvetnum til að halda blóðsykrinum í jafnvægi.
Ekki gleyma að borða og ekki fasta of lengi nema það henti þér. Sumir þola það vel en aðrir verr. Sumir þurfa reglulegar máltíðir yfir allan daginn á meðan öðrum duga tvær. Finndu þína leið.
Svefn:
Ómissandi þáttur en margar glíma við svefnleysi sem stigmagnast á breytingaskeiðinu.
Mælt er með 7–9 tíma svefni á nóttu.
Dimmt og svalt svefnherbergi, engir skjáir rétt fyrir svefninn og best er að borða ekkert a.m.k. 2 tímum fyrir svefninn.
Góð rútína er gulli betri og best er að fara að sofa og vakna á svipuðum tíma alla daga.
Hreyfing:
Annar lykilþáttur sem vill oft detta uppfyrir þegar mikið er að gera.
Hreyfing hefur góð áhrif á alla líkamsstarfsemi og stuðlar að betri heilsu, bæði andlegri og líkamlegri.
Finndu eitthvað sem þér finnst skemmtilegt og stundaðu það oft og reglulega.
Gott er að stunda bæði þol og styrktaræfingar í bland.
Allt telur; þú þarft ekki að æfa eins og atvinnumaður í íþróttum til að njóta góðs af.
Næring:
Tryggðu líkamanum öll helstu næringarefnin daglega og bættu þér upp restina með hágæða bætiefnum.
Hrein og fjölbreytt fæða er undirstaðan: nóg af grænu, trefjum og litríku, gæðaprótíni og góðri fitu.
KONA 45+ er hágæða blanda næringarefna sem er sérhönnuð fyrir konur í kringum breytingaskeiðið. Blandan hentar flestum konum frá um 40–45 ára aldri.
Góð baktrygging með öllum helstu vítamínum og steinefnum sem líkaminn þarf auk jurta sem taldar eru stuðla að jafnvægi hormónakerfisins.
Fjölvítamín- og steinefnablanda, magnesíum, D-vítamín, omega 3 og jurtablanda með rauðsmára og burnirót.
Kemur í handhægum umbúðum með dagsskammtinum í einum poka.
Streitustjórnun:
Það er mikilvægt að draga úr streitu til að ná góðu jafnvægi.
Streita ýtir undir ójafnvægi í allri starfsemi líkamans, þar á meðal í hormónakerfinu.
Allt ofangreint stuðlar að betri streitustjórnun en við þurfum oft að grafa aðeins dýpra og koma auga á helstu streituvaldana í okkar lífi.
Í hraða nútímans erum við oft af bugast undan álaginu og því mikilvægt að hlúa vel að andlegri og líkamlegri heilsu til að takast á við áskoranirnar.
Settu þitt jafnvægi í forgang alla daga með heilbrigðu líferni og hágæða bætiefnablöndunum okkar.
