Viðskiptaskilmálar

VIÐSKIPTASKILMÁLAR Avita ehf.

Gildissvið.

Avita ehf., (kt. 651019-1760, heimilisfang: Askalind 4, 203 Kópavogur, Ísland) selur vörur í verslanir um land allt, sem og í vefverslun sinni á vefsvæðinu www.numereitt.is ("Vefsvæði og/eða Vefverslun"). Skilmálar þessir gilda um kaup á vöru eða þjónustu á vefsvæði og skilgreina réttindi og skyldur Avita ("seljandi") annars vegar og kaupanda vöru hins vegar (einnig vísað til sem "viðskiptavinur").

Viðskiptavinur (eða "kaupandi") er sá einstaklingur sem kaupir vöru í skilningi laga um neytendakaup nr. 48/2003. Um viðskipti á Vefsvæði gilda lög um neytendasamninga nr. 16/2016. Um viðskiptin í Vefverslun gilda einnig lög nr. 30/2002 um rafræn viðskipti og aðra rafræna þjónustu. Ofangreind lög gilda um réttarstöðu viðskiptavinar og seljanda þegar sérstökum ákvæðum þessara viðskiptaskilmála sleppir.

Hafi skilmálar þessir ekki verið samþykktir af kaupanda við nýskráningu á vefsvæði Avita, teljast þeir samþykktir við fyrstu kaup á vöru eða þjónustu. Við kaup á vöru á vefsvæði staðfestir viðskiptavinurinn að hann sé upplýstur um rétt sinn og skyldur við kaupin. Frávik frá þessum skilmálum telst ekki samþykkt nema með undirritun seljanda.

Avita áskilur sér rétt til að uppfæra og breyta skilmálum þessum sé þess þörf og taka breytingarnar þá gildi við birtingu uppfærðra skilmála á vefsvæðinu.

Hafi viðskiptavinur spurningar sem ekki má finna svör við í skilmálum þessum er hægt að hafa samband í síma: +354 8608484 eða senda fyrirspurn á netfangið: numereitt@numereitt.is

Upplýsingar um vörur og verð.

Vefsvæði veitir upplýsingar um vörur eftir bestu vitund hverju sinni. Allar birtingar á upplýsingum eru með fyrirvara um prent- og innsláttarvillur í texta, verði og myndum. Avita áskilur sér rétt til að breyta verðum eða hætta að bjóða upp á vörutegund fyrirvaralaust. Öll verð á vefsvæði eru í íslenskum krónum og með virðisaukaskatti (VSK) og eru birt með fyrirvara um innsláttar- og kerfisvillur. Verð á vefsvæði getur breyst án fyrirvara m.a. vegna rangra verðupplýsinga eða rangrar skráningar. Ef mistök verða við verðmerkingar á vörum í vefverslun, sem eru þess eðlis að kaupanda má vera ljóst að um augljós mistök sé að ræða, áskilur Avita sér rétt til að falla frá afgreiðslu á pöntun og endurgreiða viðskiptavin án tafar hafi greiðsla farið fram. Sendingarkostnaður er ekki innifalinn í upprunalegu verði á vefverslun en birtist síðar í innkaupaferlinu.

Bjóði Avita viðskiptavinum sínum upp á afsláttarkóða sem nota má þegar vörur eru keyptar í vefverslun Avita, gilda slíkir kóðar aðeins í takmarkaðan tíma og kunna að vera háðir sérstökum skilyrðum, s.s. eingöngu til notkunar við kaup á tilteknum vörum, vöruflokkum, vörumerkjum og/eða þegar keypt er fyrir ákveðna lágmarksupphæð. Aðeins er hægt að nota einn afsláttarkóða fyrir hverja pöntun. Afsláttarkóðar hafa ekkert staðgreiðslugjaldi og því ekki hægt að innleysa andvirði þeirra fyrir reiðufé, gjafabréf eða inneign. Afsláttarkóðann þarf að slá inn og virkja áður en gengið er frá pöntun í viðeigandi reit í  kaupferlinu, þ.e. áður en greitt er fyrir pöntunina. Ekki er mögulegt að fá inneignarnótu fyrir andvirði afsláttarkóðans ef kaupandi gleymir að slá inn kóðann áður en hann lýkur pöntunarferlinu. Avita áskilur sér einhliða rétt til að hafna þjónustu, loka aðgangi eða stöðva pantanir ef grunur vaknar um misnotkun á afsláttarkóðum.

Stofnun notendaaðgangs og skráning á póstlista.

Viðskiptavinir geta valið að stofna notendaaðgang á vefsvæði Avita með því að fylla út viðeigandi nauðsynlegar upplýsingar. Notendaaðgangurinn gerir Viðskiptavini kleipt að skrá sig í/breyta áskrift, sjá fyrri kaup sín á vefsvæðinu, o.fl. Við stofnun aðgangs staðfestir viðskiptavinur að hann beri ábyrgð á allri notkun er tengist aðgangnum (þar á meðal á notendanafni, lykilorði og öðrum upplýsingum) og ber að viðhafa nauðsynlegar öryggisráðstafanir til að koma í veg fyrir að óviðkomandi aðilar komist yfir aðgangsupplýsingar. Stranglega er bannað að falsa upplýsingar þegar sótt er um aðgang að vefsvæðinu. Avita áskilur sér einhliða rétt til að meta umsókn um aðgang að vefsvæði og hafna umsókn samræmist hún ekki innri reglum Avita, sem og að takmarka eða loka fyrir aðgang viðskiptavina, hafna þjónustu eða stöðva pantanir af öryggisástæðum eða ef viðskiptavinur verður uppvís að sviksamlegu athæfi við skráningu eða við kaup á vöru á vefsvæði, eða ef grunur vaknar um slíkt. Vilji viðskiptavinur koma á framfæri upplýsingum er tengjast aðgangi hans eða láta eyða aðgangi að vefsvæði skal sendur tölvupóstur á netfangið numereitt@numereitt.is

Við nýskráningu á vefsvæði Avita getur viðskiptavinur valið að fara á póstlista Avita. Viðskiptavinur sem velur að stofna ekki notendaaðgang á vefsvæði Avita getur jafnframt skráð sig á póstlista óski Viðskiptavinur þess. Skrái viðskiptavinur sig á póstlista Avita fær viðskiptavinur fróðleiksmola um heilsu almennt og lífsstílstengdar vörur, tilkynningar um nýjar og vinsælar vörur, upplýsingar um viðburði, kannanir, tilkynninga rum gjafaleiki og vinningshafa í gjafaleikjum og þá gæti viðskiptavini verið boðist ýmis fríðindi, s.s. afslætti og sérstök tilboð.  Viðskiptavinur getur ávallt skráð sig af póstlistanum og þar með hafnað viðtöku markpósts. Hægt er að gera slíkt með því að smella á tengil neðst í póstinum og staðfesta afskráningu eða með því að senda beiðni þess efnis á netfangið numereitt@numereitt.is

Pöntun, greiðsla og fyrirvari um afgreiðslu vörukaupa í vefverslun.

Ef viðskiptavinur hefur ekki náð 16 ára aldri ber honum að upplýsa foreldra eða forráðamann um skilmála þessa og fá samþykki þeirra áður en stofnaður er aðgangur á vefsvæði Avita og/eða áður en vörukaup eru framkvæmd.

Viðskiptavinir geta skoðað og breytt völdum vörum í körfu á vefsvæði. Þegar viðskiptavinur ætlar að ganga frá pöntun velur hann viðeigandi hnapp til að klára pöntun, þar sem skrá þarf tilteknar nauðsynlegar upplýsingar svo sem; netfang, nafn, kennitölu (valkvætt), símanúmer og heimilisfang. Því næst þarf viðskiptavinurinn að velja sendingar-/afhendingarmáta. Viðskiptavinur verður að hafa gefið upp rétt heimilisfang óski viðskiptavinur eftir því að fá vöruna senda heim. Sé ekki hægt að staðfesta það heimilisfang sem viðskiptavinur skráir áskilur Avita sér rétt til að hafna afhendingu og hætta við afgreiðslu á pöntun. Því næst þarf viðskiptavinur að velja greiðslumáta. Avita notar örugga greiðslugátt frá Teya á Íslandi.  Hægt er að greiða fyrir vörukaup með kreditkortum eða debetkorti. Upplýsingar um greiðslukortanúmer koma aldrei til seljanda heldur eru á afmörkuðu vefsvæði vikomandi greiðsluþjónustu. Til að ljúka ferlinu þarf viðskiptavinur að staðfesta að hann hafi kynnt sér og samþykki viðskiptaskilmála Avita. Þegar framangreindu ferli er lokið fær viðskiptavinur sendan tölvupóst sem staðfestir móttöku pöntunar. Í kjölfarið, þegar greiðsla fyrir kaupunum hefur borist Avita og pöntun er tilbúin til afhendingar, fær viðskiptavinur senda staðfestingu á kaupum og rafrænan reikning í tölvupósti. Viðskiptavinur er hvattur til að kynna sér vel staðfestingu á pöntun þegar hún berst.

Avita áskilur sér einhliða rétt til að hafna þjónustu, loka aðgangi, stöðva eða falla frá afgreiðslu á pöntun ef þurfa þykir, m.a. af öryggisástæðum, ef upp koma tæknileg vandamál, vandamál við afhendingu eða önnur vandamál sem koma í veg fyrir endanlega afgreiðslu pöntunar. Viðskiptavinur verður látinn vita ef slík staða kemur upp og hafi greiðsla farið fram fyrir vörukaupunum er endurgreiðsla framkvæmd án tafar.

Afhendingar- og sendingarmáti.

Viðskiptavinir Avita geta valið um að fá vöruna senda á skilgreint heimilisfang eða á skilgreindan afhendingarstað. Avita tekur sér 2-3 virka daga þar til vöru er komið til flutningsaðila sem flytur hana á umbeðinn áfangastað. Dropp eru flutningsaðilar Avita og sjá um sendingu og afhendingu á keyptum vörum til viðskiptavina. Um afhendingu vörunnar gilda því afhendingar-, ábyrgðar- og flutningsskilmálar flutningsaðila. Avita áskilur sér rétt til að breyta skilmálum er varða verð, afhendingar- og sendingarmáta, án fyrirvara. Upphæð sendingarkostnaðar ræðst af þeim sendingarmáta sem viðskiptavinur velur og bætist við verð vöru í lok kaupferlis áður en greiðsla fer fram. Avita áskilur sér rétt til að breyta skilmálum er varða verð, afhendingar- og sendingarmáta, án fyrirvara.

Skila- og skiptiréttur

Skilafrestur án ástæðu á keyptum vörum í vefverslun eru 14 dagar frá móttöku vörunnar, í samræmi við reglur um rafræn kaup, að því tilskildu að vörunni sé skilað í upprunalegum umbúðum og í því ástandi sem hún kom til kaupanda. Endursendum vörum skal pakkað vel inn þannig að þær skemmist ekki í flutningi. Kaupandi ber ábyrgð á vörum í endursendingu þar til hún er móttekin af Avita. Við vöruskil þarf greiðslukvittun að fylgja með. Upphæð endurgreiðslu miðast við það söluverð sem tilgreint er á greiðslukvittun. Upphæð vöru er ávallt endurgreidd inn á þann greiðslumiðil sem notaður var við kaupin. Sendingarkostnaður við skil er greiddur af kaupanda, nema ef um gallaða eða ranga vöru er að ræða. Frekari fyrirspurnum varðandi endursendingar má beina á netfangið numereitt@numereitt.is

Skil á vöru eru háð eftirfarandi skilyrðum:

Að vöru sé skilað innan tilskilins skilafrests frá dagsetningu kvittunar/rafræns reiknings fyrir kaupunum.
Framvísað sé kvittun/rafrænum reikningi fyrir kaupunum eða vara merkt með skiptimiða.
Að varan sé ógölluð, í fullkomnu lagi og í söluhæfu ástandi.
Að varan sé ónotuð.
Að varan sé í óuppteknum og/eða upprunalegum umbúðum.
Að allir aukahlutir sem fylgja með vörunni, ef við á, séu til staðar.
Að vara sé ekki sérpöntuð eða sérsniðin að þörfum viðskiptavina eða á annan hátt framleidd og afhent samkvæmt forskrift kaupandans eða ber skýrt auðkenni hans.
Að vara sé ekki fyrnd eða þess eðlis að líklegt sé að hún fyrnist/rýrni, sbr. matvara og snyrtivara.
Að varan sé ekki útsöluvara eða tilboðsvara og/eða sérstaklega merkt þannig að henni fáist ekki skipt.

Starfsfólk Avita metur söluhæfi skilavöru og áskilur sér rétt til að hafna vöruskilum eða neita viðskiptavini um fulla endurgreiðslu sé eitthvert ofangreindra skilyrða ekki uppfyllt.

Ef kaupandi telur að mistök hafi orðið við afgreiðslu pöntunar eða að keypt vara hafi verið afhent skemmd, gölluð eða háð öðrum annmörkum ber að tilkynna um slíkt til Avita á netfangið numereitt@numereitt.is um leið og mistaka eða galla er vart. Að öðrum kosti getur kaupandi glatað rétti sínum til endurgreiðslu. Avita áskilur sér rétt til að sannreyna innan eðlilegra tímamarka að vara sé skemmd, háð galla eða öðrum annmörkum. Sannarlega gölluð vara er ýmist endurgreidd eða annað eintak af sömu vöru afhent kaupanda. Sé gallaðri vöru skilað með endursendingu greiðir Avita sendingarkostnað. Sýna þarf kvittun eða senda rafrænan reikning með til staðfestingar á því að hin gallaða vara hafi verið keypt í vefverslun Avita. Um ábyrgð vegna galla á vöru fer að öðru leyti samkvæmt lögum nr. 2003/48 um neytendakaup og miðast við dagsetningu kaupa til einstaklinga.

Mistök í afgreiðslu á vöru eru að sjálfsögðu leiðrétt eins fljótt og hægt er, kaupanda að kostnaðarlausu. Rangt afgreiddar vörur verða þó að berast innan viku frá endurgreiðlu þannig að leiðrétta megi mistök við afgreiðslu og afhenda kaupanda rétta vöru.

Meðhöndlun persónuupplýsinga

Öll meðhöndlun og vinnsla persónuupplýsinga af hálfu Avita fer fram í samræmi við gildandi lög nr. 90/2018 um persónuvernd og vinnslu persónuupplýsinga og í samræmi við persónuverndaryfirlýsingu Avita þar sem finna má m.a. upplýsingar um eftirfarandi:

Meðhöndlun persónuupplýsinga vegna almennra samskipta við Avita
Meðhöndlun persónuupplýsinga við heimsókn á vefsíðu Avita
Meðhöndlun persónuupplýsinga við kaup á vörum í vefverslun Avita
Meðhöndlun persónuupplýsinga við stofnun aðgangs að vefsvæði Avita
Meðhöndlun persónuupplýsinga í tengslum við markaðs- og kynningarstarf Avita

Persónuverndarlög kveða á um og tryggja einstaklingum ákveðin réttindi varðandi meðhöndlun persónuupplýsinga. Viðskiptavinir eru hvattir til að kynna sér nánar þau réttindi í persónuverndaryfirlýsingu Avita. Frekari fyrirspurnum má beina til Avita á netfangi: numereitt@numereitt.is

Lög og varnarþing.

Íslensk lög skulu gilda um viðskiptaskilmála þessa. Rísi ágreiningur milli aðila skal leitast við að leysa hann með samkomulagi. Um efni þessara viðskiptaskilmála eða vegna brota á þeim má bera viðkomandi mál undir kærunefnd þjónustu- og lausafjárkaupa hjá Neytendastofu. Ef ekki næst samkomulag skulu ágreiningsmál rekin fyrir Héraðsdómi Reykjavíkur.

Lagalegur fyrirvari.

Avita ber ekki í neinum tilvikum ábyrgð á tjóni sem kann að hljótast af upplýsingum er birtast á vefsíðu félagsins né tjóni sem rekja má beint eða óbeint til notkunar á vef Avita. Þá ber Avita ekki í neinum tilvikum ábyrgð á tjóni sem rekja má til þess að ekki er hægt að nota vefinn, um skemmri eða lengri tíma.

Upplýsingar sem birtar eru á vef Avita eru samkvæmt bestu vitund félagsins á hverjum tíma og ábyrgist félagið ekki að þær séu réttar eða viðskipti sem gerð eru á grundvelli þeirra. Þá kunna þær upplýsingar og skoðanir sem fram koma á vefnum að breytast án fyrirvara. Avita ábyrgist jafnframt ekki efni sem stafar frá þriðja aðila og birt er á vefnum.

Þær upplýsingar sem birtar eru á vefsíðu Avita fela á engan hátt í sér ráðleggingar til viðskiptavina um kaup eða sölu og bera notendur vefsíðunnar einir ábyrgð á þeim ákvörðunum sem teknar eru á grundvelli upplýsinga sem birtar eru á vefsíðunni.

Avita ehf., og/eða samstarfsaðilar Avita, eiga höfundarrétt á öllum þeim upplýsingum sem fram koma á vef félagsins, nema annað sé sérstaklega tekið fram eða leiða megi af eðli máls. Skriflegt samþykki Avita þarf til að endurbirta upplýsingar sem fram koma á vef félagsins, dreifa þeim eða afrita þær. Ekki skiptir máli hvers eðlis þær upplýsingar eru né í hvaða tilgangi ætlunin er að endurbirta þær, afrita þær eða dreifa þeim. Viðskiptavinum Avita er þó heimilt að vista slíkar upplýsingar til einkanota.

Framangreindir fyrirvarar eiga jafnframt við um allt efni sem er sett af hálfu Avita inn á samfélagsmiðla á borð við Facebook, Instragram, Snapchat, Twitter, Youtube og Vimeo.

Fyrirtækjaupplýsingar (Contact information)

Avita ehf.

Askalind 4, 203 Kópavogur, Ísland

Netfang: numereitt@numereitt.is

Reykjavík, 4 nóvember 2024